Ўзбекистонда жорий йилда 4,3 млрд кВт соат электр ва 2,8 млрд метр куб газни тежаш мақсад қилинди

Ўзбекистонда 2026 йилда 4,3 миллиард кВт соат электр энергияси ҳамда 2,8 миллиард метр куб табиий газни тежаш мақсад қилинган бўлиб, жумладан, республика ҳудудларида:

якка тартибдаги ва кўп квартирали уйлар, ижтимоий соҳа объектларининг энергия самарадорлигини ошириш ҳамда хўжалик юритувчи субъектларда замонавий энергия тежамкор технологияларни жорий этиш ҳисобидан 2,6 млрд кВт соат электр энергияси ва 934,4 млн метр куб газ;

йирик қуёш ва шамол электр станцияларида қўшимча 4,3 млрд кВт соат яшил энергия ишлаб чиқариш ҳисобидан 1,3 млрд метр куб табиий газ;

оғир тоифадаги маҳаллаларда 270 МВт лик кичик қувватдаги қуёш фотоэлектр станцияларини ўрнатиш ҳисобидан 35 млн метр куб табиий газ;

25 та йирик тармоқ корхоналарида электр энергияси ва табиий газдан оқилона фойдаланиш ҳисобидан 1,6 млрд кВт соат электр энергияси ва 553 млн метр куб табиий газ тежалишига эришилади.