Жамият | 21:51
656
1 дақиқада ўқилади

Андижонда микроавтобусда 58 нафар болани ташиётган ҳайдовчи аниқланди

Ҳайдовчи 8 ўриндиқли транспорт воситасида 58 болани боғчага ташиган.

Фото: Видеодан кадр

Андижон вилояти, Избоскан туманида 58 нафар болани 8 ўриндиқли микроавтобусда олиб кетаётган ҳайдовчи ушланди. Унга нисбатан маъмурий баённома расмийлаштирилди.

Маълум бўлишича, 6 май куни Ўрта қишлоқ маҳалласида ҳайдовчи Қ.З. King Long русумли микроавтобусда «Хадичабегим» давлат-хусусий шериклик асосидаги таълим муассасасининг 58 нафар тарбияланувчисини олиб кетаётган вақтда тўхтатилган.

Ҳолат юзасидан ҳайдовчига нисбатан Йўл ҳаракати қоидаларининг «Одам ташиш» талабларини бузгани учун Маъмурий жавобгарлик тўғрисидаги кодекс асосида баённома тузилган. Шунингдек, ҳайдовчи ва таълим муассасаси раҳбарияти билан профилактик суҳбат ўтказилган.

Сардор Юсупов
Тайёрлаган Сардор Юсупов
Kun.uz янгиликларини Google News'да кузатинг
+ Обуна бўлиш

Мавзуга оид