Месси тарихдаги иккинчи миллиардер футболчи бўлди

38 ёшли аргентиналик футболчининг бойлиги 1 миллиард доллардан ошди.

Фото: Scott McIntyre/Bloomberg via Getty Images

Лионел Месси расман миллиардерлар клубига қўшилди. Bloomberg Billionaires Index маълумотларига кўра, 38 ёшли аргентиналикнинг бойлиги 1 миллиард доллардан ошди. Шу тариқа, Месси Криштиану Роналдудан кейин тарихдаги иккинчи миллиардер футболчига айланди.

«Барселона», «ПСЖ» ва «Интер Майами» клубларидаги фаолияти давомида аргентиналик футболчи фақат маош ва бонуслар кўринишида 700 миллион доллардан ортиқ даромад олган. Шунингдек, Adidas билан узоқ муддатли шартнома, «Интер Майами» клубидаги улуш, Apple, Pepsi ва бошқа глобал брендлар билан шартномалар даромадининг 1 миллиарддан ошишини таъминлади.

Шуни таъкидлаш керакки, Месси Саудия Арабистонидан жуда фойдали таклифларга мурожаат қилмасдан бу маррага эришди. 2023 йилда у MLS ва «Интер Майами»ни танлаган эди.

Аввалроқ, Криштиану Роналду «Ан-Наср» билан тузилган шартнома туфайли биринчи миллиардер футболчига айланди. Шунингдек, Дэвид Бекҳэм ҳам миллиардер ҳисобланади, аммо у футболчилик фаолиятини якунлаганидан сўнг шу маррага етди.