«O‘zbektelekom» aksiyadorlik kompaniyasi joriy yilning 1 iyulidan boshlab telekommunikatsiya xizmatlarining universal va muayyan turdagi xizmatlari uchun yangi tarif narxlarini belgiladi. Bu haqda korxona matbuot xizmati xabar bermoqda.
Korxona taqdim etgan yangi tariflar ro‘yxatiga ko‘ra, universal xizmat bo‘yicha tarif narxlaridagi o‘zgarish telegraf shaharlararo va xalqaro qo‘ng‘iroqlar, oddiy va shoshilinch telegrammalar jo‘natish kabilarda kuzatilgan bo‘lsa, muayyan xizmatlar ichida esa telegraf kanallarini, xalqaro aloqalar kanallarini ijaraga berish tariflari ham yangi narxlarda ko‘rsatib o‘tilgan.