12:50 / 18.06.2015
3630

Qodirov: Nemtsovning o‘limida UXX va AQSh izini qidirish kerak

Checheniston rahbari Ramzon Qodirovning fikricha, muxolifatchi siyosatchi Boris Nemtsovning o‘ldirilishida Ukraina xavfsizlik xizmati va AQSh izini qidirish kerak.
“Fikrimcha, jinoyat izlarini Chechenistonda emas, Ukrainada, UXX, u orqali esa AQShda qidirish kerak. Jinoyat ortida hozirlikda Ukrainaning allaqanday “Johar Dudayev nomli batalon”iga qo‘mondonlik qilayotgan Adam Osmayev turgan bo‘lishi mumkin”, – uning so‘zlarini keltiradi Interfaks.
Shuningdek, Qodirov jinoyatga o‘zining aloqadorligi haqidagi gaplarni inkor qildi:
“Go‘yoki men Nemtsovni o‘ldirish kerak degan emishman. Bu yolg‘on! Men uni o‘ldirib nima qilaman? U bizga nima qildi? U bizga xalaqit bergan bo‘lmasa. U hatto ko‘p yildan buyon bu yerga (Chechenistonga) kelmagan ham edi. Uni oxirgi marta o‘n to‘rt yil muqaddam Gudermesda ko‘rgan edim”.

Top