Qarshi shahrida katerda sayr qilish imkoniyati yaratiladi

Qarshi shahrining Qashqadaryo qirg‘og‘ida joylashgan qismida bir yarim yildan keyin kater orqali sayr qilish imkonini beradigan maishiy tuzilma barpo etiladi. 

12news.uz saytining ma'lum qilishicha, daryoning shahardan o‘tgan qismidagi ikki qirg‘og‘i bo‘ylab daraxtlar ekiladi.

Bu haqda O‘zbekiston prezidenti Islom Karimov Qarshi shahriga amalga oshirgan tashrifi chog‘ida ko‘rsatma bergan.

"Bu joylarda aholining ko‘ngilli dam olishi uchun zarur sharoitlarni muhayyo qilish kerak", degan Islom Karimov.