Yevropa Gretsiyaning Yevrozonadan chiqishiga tayyorlana boshladi

Yevrokomissiya Gretsiyaning Yevrozonadan chiqishi ssenariysi ustida ish boshladi. Bu haqda Yevrokomissiya raisi Jan-Klod Yunker ma'lum qildi.

“Men buni istamayman, lekin oldini ham ololmayman, Gretsiya kerakli ishni qilishi kerak”, – uning so‘zlarini keltiradi TASS agentligi.

O‘z navbatida, Fransiya prezidenti Fransua Olland referendum yakunlari mamlakatni majburiyatlardan ozod qilmasligini ta'kidlab o‘tdi. “O‘z majburiyatlariga mas'uliyat bilan yondashish, mana shuni biz Gretsiyadan kutmoqdamiz”, – ta'kidladi u.
Gretsiyaning Yevrozonada qolishi uchun mamlakat rahbariyati tegishli qarorlarni qabul qilishi kerak.

8 iyun kuni bo‘lib o‘tgan Yevrozona davlatlari sammiti ishtirokchilari Gretsiyaning zimmasiga 9 iyulga qadar o‘z islohotlar dasturini e'lon qilish vazifasini yukladi. Dastur o‘z navbatida Yevroguruh tomonidan muhokama qilinadi.
Shuningdek, sammitda masalani murosa yo‘li bilan hal qilish, Yevrozonaning barqarorligini ta'minlash borasida kelishuvga erishildi.