Европа Грециянинг Еврозонадан чиқишига тайёрлана бошлади

Еврокомиссия Грециянинг Еврозонадан чиқиши сценарийси устида иш бошлади. Бу ҳақда Еврокомиссия раиси Жан-Клод Юнкер маълум қилди.

“Мен буни истамайман, лекин олдини ҳам ололмайман, Греция керакли ишни қилиши керак”, – унинг сўзларини келтиради ТАСС агентлиги.

Ўз навбатида, Франция президенти Франсуа Олланд референдум якунлари мамлакатни мажбуриятлардан озод қилмаслигини таъкидлаб ўтди. “Ўз мажбуриятларига масъулият билан ёндашиш, мана шуни биз Грециядан кутмоқдамиз”, – таъкидлади у.
Грециянинг Еврозонада қолиши учун мамлакат раҳбарияти тегишли қарорларни қабул қилиши керак.

8 июнь куни бўлиб ўтган Еврозона давлатлари саммити иштирокчилари Грециянинг зиммасига 9 июлга қадар ўз ислоҳотлар дастурини эълон қилиш вазифасини юклади. Дастур ўз навбатида Еврогуруҳ томонидан муҳокама қилинади.
Шунингдек, саммитда масалани муроса йўли билан ҳал қилиш, Еврозонанинг барқарорлигини таъминлаш борасида келишувга эришилди.