Qirg‘iziston prezidenti Almazbek Atambayevning fikricha, Hindiston global siyosiy ta'sirning asosiy markazlaridan biridir. Bu haqda u Hindiston bosh vaziri Narendra Modi bilan o‘tkazilgan muzokaralar yakunlariga ko‘ra bergan bayonotida ma'lum qildi.
“Bugun Hindiston global ta'sir markazlaridan biridir. Bizning mintaqa, xususan, Qirg‘iziston uchun u eng muhim hamkorlardan biri hisoblanadi. Va biz Hindiston bilan ikki tomonlama aloqalarni yanada rivojlantirishga tayyormiz”, – uning so‘zlarini keltiradi RIA Novosti agentligi.
Shuningdek, Atambayev Hindiston bilan Qirg‘iziston o‘rtasida imzolangan qo‘shma bayonot ikki tomonning o‘zaro aloqalari istiqbollarini belgilab beruvchi hujjat bo‘lishini ta'kidlab o‘tdi.