Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Қорақалпоғистонлик фирибгар телефон орқали фолбинлик қилиш хизматини йўлга қўйгани маълум бўлди
11:50 / 31.07.2015
4567

Қорақалпоғистоннинг Беруний туманида яшовчи шахс одамларни алдаб пул ишлашнинг ўзгача усулини ўйлаб топгани маълум бўлди.

Хабар қилинишича, у одамларни масофадан туриб, тақдирни башорат қила олишига ишонтирган.

Бунда у пайнет орқали ўз ҳисобига 7 минг сўм тўланиши ва исм ҳамда туғилган йил ҳақидаги маълумотларни олиш эвазига келажакни башорат қилишни йўлга қўйган. Ушбу фирибгар куннинг маълум вақтларидагина (19:00дан 20:00гача) хизмат кўрсатган.

Ўзбекистон илмий медицина академияси вакили Муҳаммаджон Ҳамроевнинг қайд этишича, бугунги кунда бундай фирибгарлар тиббиёт ва илм-фан ютуқларидан фойдаланган ҳолда одамларнинг пулини шилишмоқда.

"Ақлга сиғмайди. Қандай қилиб, телефон орқали тақдирни башорат қилиш мумкин? Афсуски, бундай фирибгар-фолбинлар ҳамда табибларнинг сони ортмоқда. Тошкент шаҳрининг ўзида 800 нафар шундай фирибгар борлиги аниқланган", дейди Ҳамроев.


Улашинг
  • Теглар:
Top