Belgiya bosh vaziri Amsterdam-Parij yo‘lidagi voqeani terakt sifatida baholadi

Belgiya bosh vaziri Sharl Mishel o‘z tvitteri orqali 21 avgust kuni Amsterdamdan Parij shahriga ketayotgan tezyurar poyezdda otishma sodir etilishiga munosabat bildirdi va jarohatlangan 3 kishiga o‘z hamdardligini izhor qildi.

"Men bu hodisani terakt deb atayman va jarohatlanganlarga sog‘ayib ketishlarini tilayman", deb yozadi siyosatchi.

Eslatib o‘tamiz, Amsterdam-Parij yo‘nalishida harakatlanayotgan poyezdda kelib chiqqan bu otishma natijasida 3 nafar yo‘lovchi jarohatlangani haqida xabar berilgandi.

Shuningdek, Fransiya IIV rahbari Bernar Kaznev poyezdda o‘q uzgan jinoyatchini qo‘lga olgan ikki amerikalikka minnatdorchilik bildirgan.

Frantsuz OAVlari otishma sodir etgan shaxs marokashlikligini aytishgan.