Бельгия бош вазири Амстердам-Париж йўлидаги воқеани теракт сифатида баҳолади

Бельгия бош вазири Шарль Мишель ўз твиттери орқали 21 август куни Амстердамдан Париж шаҳрига кетаётган тезюрар поездда отишма содир этилишига муносабат билдирди ва жароҳатланган 3 кишига ўз ҳамдардлигини изҳор қилди.

"Мен бу ҳодисани теракт деб атайман ва жароҳатланганларга соғайиб кетишларини тилайман", деб ёзади сиёсатчи.

Эслатиб ўтамиз, Амстердам-Париж йўналишида ҳаракатланаётган поездда келиб чиққан бу отишма натижасида 3 нафар йўловчи жароҳатлангани ҳақида хабар берилганди.

Шунингдек, Франция ИИВ раҳбари Бернар Казнев поездда ўқ узган жиноятчини қўлга олган икки америкаликка миннатдорчилик билдирган.

Француз ОАВлари отишма содир этган шахс марокашликлигини айтишган.