Nigeriyada samolyotning uy ustiga qulashi oqibatida 7 kishi halok bo‘ldi

Nigeriyaning shimolida mamlakat harbiy-havo kuchlarining Dornier-228 samolyotining turar-joy binosi ustiga qulashi oqibatida 7 kishi halok bo‘ldi, deb xabar bermoqda Global Post nashri. 

Dastlabki ma'lumotlarga ko‘ra, kamida 7 kishi – samolyot ekipajining 4 nafar a'zosi va uch yo‘lovchi halok bo‘ldi.

Nigeriya HHK rahbari, marshal Sodiq Abubakr voqea sabablarini tergov qilishni boshlashni buyurdi.

Ma'lum qilinishicha, fojia joyida olov tarqalishiga qarshi o‘t o‘chiruvchilar ishlamoqda.