Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Европа Иттифоқи давлатлари 14 сентябрда муҳожирлар масаласини муҳокама қилиш учун учрашади
06:54 / 31.08.2015
2273

Люксембург Европа Иттифоқида раислик қилаётган давлат сифатида 14 сентябрда Европа Иттифоқининг 28 та давлати адлия ва ички ишлар вазирлари иштирокида муҳожирлар оқимининг ошиб бораётгани билан боғлиқ вазиятни ҳал қилиш учун йиғилиш ўтказади, деб хабар бермоқда Reuters ахборот агентлиги.

“Европа Иттифоқидан ташқарида ва ичкарида миграция билан боғлиқ вазият яқинда катта кўринишга келди”, деб айтилмоқда Люксембург баёнотида. Европа Иттифоқидан бу вазиятга жавобни кучайтириш учун кейинги қадамларни қабул қилиш кераклиги таъкидланмоқда.

Айнан шу сабаб Люксембургнинг миграция ва бошпаналар бўйича вазири Жан Ассельборн Европа Иттифоқи давлатларининг адлия ва ички ишлар вазирларининг фавқулодда кенгашини чақиришга қарор қилди.

Бундан аввал Буюк Британия ички ишлар вазири Тереза Мэй ЕИнинг миграцион тизими ишламаётганини ва Европа бўйлаб муҳожирларнинг эркин ҳаракатланишларини чеклаб қўйишни талаб қилган эди.


Улашинг
  • Теглар:
Top