Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Европа Иттифоқи етакчилари: Париждаги теракт – барчамизга ҳужум
01:07 / 15.11.2015
2800

Европа Иттифоқи давлатлари ва ҳукуматлари етакчилари қўшма баёнотда Парижда содир этилган терактларни ЕИнинг барча давлатларига ҳужум деб айтишди.

“Европа Иттифоқи Париждаги терактлардан карахт ҳолатда ва изтиробда. Бу барчага ҳужумдир. Биз бу хавфга барча зарур воситалар ва аёвсиз қатъият билан қарши чиқамиз”, деб айтилмоқда баёнотда.

Етакчилар Франция халқининг буюклиги ва кучлилигини, унинг қадриятлари – эркинлик, тенглик ва биродарлик “Европа Иттифоқини илҳомлантирган ва илҳомлантирмоқда”, деб таъкидладилар. Уларнинг айтишича, ЕИ Франция билан бирга ва террорчилик ва экстремизмни мағлуб этиш учун барча иш қилинади

Европа Иттифоқи давлатлари етакчилари 16 ноябрда терактда ҳалок бўлганларнинг хотирасини бир дақиқалик сукут сақлаш билан ёд этишга чақиришди.

“Биз европаликлар 2015 йил 13 ноябрни Европа мотами куни сифатида ёдимизда сақлаб қоламиз”, деб айтилмоқда баёнотда.


Улашинг
  • Теглар:
Top