Belgiyaning Bryussel shahrida terakt xavfining oldini olish borasida o‘tkazilgan politsiya maxsus operatsiyasi yakunlandi, deb xabar bermoqda France Télé Info.
Avvalroq Bryusselda bo‘lib o‘tayotgan maxsus operatsiyaning surat va videolari #brusselslockdown tegi ostida ijtimoiy tarmoqlarda paydo bo‘lgan edi.
“Politsiya tomonidan o‘tkazilgan operatsiya rasaman yakunlandi. Shu sababdan ham suratlar tarqatishni bas qiling”, — deb ma'lum qilgan Financial Times byurosi rahbari o‘z tvitterida.
Shuningdek, ijtimoiy tarmoqlar foydalanuvchilari va jurnalistlar terrorchilar qo‘lga kiritmasliklari uchun politsiya harakatlari aks etgan suratlarni tarqatmaslikka chaqirildi.