Sinayda portlash yuz berishi natijasida 3 kishi halok bo‘lib, 12 kishi jarohatlandi

Misrning Sinay yarim oroli hududida navbatdagi portlashlar yuz berdi va 3 kishi qurbon bo‘ldi. Bu haqda mahalliy telekanalga asoslangan holda RIA Novosti xabar bergan.

Aniqlik kiritilishicha, qurbonlarning biri politsiya xodimi. Portlashlar natijasida 12 kishi jarohat olgani aytilgan. Ulardan 9 nafari politsiyachilar.

Bu hodisa yarim orol shimolidagi El-Arish shahrida, IShIDga xayrixoh terrorchilar faol bo‘lgan hududda ro‘y bergan.

Ma'lumot berilishicha, shahardagi mehmonxona oldida mashina portlatilgan. Bu mehmonxonada mamlakatda o‘tkazilgan parlament saylovini kuzatish uchun kelgan guruhlar a'zolari istiqomat qilayotgandi.