OFK 2016 yilgi Osiyo Chempionlar ligasi musobaqasining pley-off bosqichi juftliklari nomini ma'lum qildi. Bu haqda "Bunyodkor" klubi rasmiy saytida ma'lumot berilgan.
"O‘zbekiston uchun ajratilgan 3+1 kvotasiga muvofiq, bahslarga pley-off bosqichidan qo‘shiladigan “Bunyodkor” jamoasining raqibi ma'lum bo‘ldi.
Unga ko‘ra, “Bunyodkor” pley-offning bir uchrashuvdan iborat 3-bosqichi doirasida BAAning “Al-Shabab” klubini qabul qiladi. Guruh bosqichiga yo‘llanma beruvchi “Bunyodkor” – “Al-Shabab” uchrashuvi 9 fevral kuni “Bunyodkor” stadionida bo‘lib o‘tadi", deyilgan xabarda.