Yaponiyada zilziladan keyin vulqon harakatga keldi

O‘tgan 2 kun ichida Yaponiyaning Kyusyu orolida yuz bergan ikkita kuchli zilzila oqibatida ko‘plab talofatlar ko‘rildi. 10 dan ko‘proq odam halok bo‘ldi, minglab odamlar jarohat oldi. Biroq ko‘rguliklar shu bilan to‘xtamadi: mutaxassislar 16 aprel ertalabki vaqt Kumamoto prefekturasida Aso vulqoni otila boshlaganini qayd qilishdi.

Yapon OAV ma'lumotlariga ko‘ra, vulqon otilishi katta bo‘lmagan. Unga 5 darajalik tizim bo‘yicha 2-xavf darajasi berildi. Aso vulqoni havoga 100 metr balandlikdagi kul va tutun ustunini otgan. Bu holat hududdagi aviaaloqaga ta'sir qilmagan.

Mutaxassislar vulqon otilishi va zilzilalar o‘rtasida aloqa borligini inkor qilishmoqda.