Японияда зилзиладан кейин вулқон ҳаракатга келди

Ўтган 2 кун ичида Япониянинг Кюсю оролида юз берган иккита кучли зилзила оқибатида кўплаб талофатлар кўрилди. 10 дан кўпроқ одам ҳалок бўлди, минглаб одамлар жароҳат олди. Бироқ кўргуликлар шу билан тўхтамади: мутахассислар 16 апрель эрталабки вақт Кумамото префектурасида Асо вулқони отила бошлаганини қайд қилишди.

Япон ОАВ маълумотларига кўра, вулқон отилиши катта бўлмаган. Унга 5 даражалик тизим бўйича 2-хавф даражаси берилди. Асо вулқони ҳавога 100 метр баландликдаги кул ва тутун устунини отган. Бу ҳолат ҳудуддаги авиаалоқага таъсир қилмаган.

Мутахассислар вулқон отилиши ва зилзилалар ўртасида алоқа борлигини инкор қилишмоқда.