Qozog‘istonning Aqto‘be viloyatida ikki nafar terrorchi ushlandi

Qozog‘istonning Aqto‘be viloyatida 5 iyun kuni shaharda sodir etilgan teraktlarga aloqadaorlikda gumon qilinib, ikki nafar shaxs qo‘lga olindi. Bu haqda mamlakat milliy xavfsizlik qo‘mitasi (MXQ) ma'lum qilgan.
“Qozog‘iston Respublikasining Antiterror markazi shuni ma'lum qiladiki, terrorizmga qarshi kurash shtabi bilan olib borilgan tezkor tadbirda Aqto‘be viloyatida qidiruvda bo‘lgan terrorchilar B.Kuanishbayev va A.Akpanbetovlar qo‘lga olingan”, - deyiladi MXQ bergan ma'lumotda.
Ma'lumotda keltirilishicha, operatsiya vaqtida aholi orasida qurbonlar va jabrlanganlar bo‘lmagan.