Polshada AQSh va NATO qo‘shinlari joylashtiriladi

Polsha mudofaa vaziri Antoniy Macherevichning ta'kidlashicha, Shimoliy Atlantika alyansining Varshava sammitidan so‘ng, respublikada AQSh va NATOning bir necha ming harbiy xizmatchilari joylashtiriladi. 

"Polsha hududida AQSh va NATOning bir necha ming askarlari joylashadi", - degan mudofaa vaziri Polsha radiosining ertalabki dasturida. 

"Gap mamlakatning sharqiy chegaralarida joylashtirilgan qo‘shinlar haqida bormoqda. Ular, ehtimoliy agressor hujumini qaytara oladi", -degan Macherevich. 

Uning so‘zlariga ko‘ra, AQSh harbiy bo‘linmasi qo‘mondonligi ham "sharqiy va shimoli-sharqiy chegaralardagi xorijiy harbiy kuchlar singari Polshada joylashadi".

Macherevichning avval bergan bayonotiga ko‘ra, harbiy qismlar Rossiyaning Kaliningrad viloyati bilan chegaradosh Polshaning Elblong shahrida joylashtirilishi mumkin.