Amerikalik suzuvchi Olimpiadada o‘g‘rilik haqida yolg‘on ko‘rsatma bergani uchun uzr so‘radi

Amerikalik suzuvchi Rayan Loxte Riodagi Olimpiadada o‘g‘rilik haqida yolg‘on ko‘rsatma bergani uchun uzr so‘radi.

"Men o‘z vatanimni Olimpiadada taqdim qilayotganimdan faxrlanaman, men yo‘l qo‘ygan vaziyat esa boshqa takrorlanmasligi kerak. Bo‘lgan voqea uchun javobgarlikni o‘z bo‘ynimga olaman. Men bu hodisadan bir nechta foydali saboq chiqardim", deb yozdi Loxte instagramdagi sahifasida.

AQSh Olimpiya terma jamoasining 4 nafar suzuvchisi restoranda feyskontroldan o‘tayotganda va keyinroq Olimpiya qishlog‘iga qaytganlarida videokuzatuv kameralari tomonidan qayd qilinganlar. Sportchilar o‘sha kuni ularga qurolli bosqinchilik uyushtirilib, telefon va pullari o‘g‘rilanganini ma'lum qilishgan. Biroq kameralardan yozib olingan yozuvlarda sportchilar binoga kirayotganlarida cho‘ntaklaridan go‘yoki o‘g‘rilangan deb aytgan buyumlarni olayotganlarini ko‘rish mumkin bo‘lgan. Ushbu holat yuzasidan Braziliya politsiyasi ikki suzuvchi – Rayan Loxte va Jyeyms Feygenga jinoyat haqida yolg‘on ko‘rsatma berish bo‘yicha ayblov qo‘ygan.