#TabrikRio2016 - Olimpiada o‘yinlarida o‘zbekistonlik g‘olib va sovrindorlarga eng yaxshi tabriklar tanlovi

O‘zbekiston «Milliy tiklanish» demokratik partiyasi hamda «Kun.uz» axborot sayti Braziliyaning Rio de Janeyro shahrida o‘tkazilgan 31-yozgi Olimpiada o‘yinlarining o‘zbekistonlik g‘olib va sovrindorlariga eng yaxshi tilaklar tanlovini e'lon qiladi.

Bunda barcha yurtdoshlarimiz o‘zlarining dil izhorlarini video hamda fotomurojaat, matnli va she'riy tabriklar orqali yo‘llab borishlari mumkin.  

Tanlovning o‘tkazilish muddati va shartlari:

Tanlov 23 avgustdan 1 sentabrgacha o‘tkaziladi. Unda Facebook, Twitter va Instagram ijtimoiy tarmoqlarida #TabrikRio2016 heshtegi bilan e'lon qilingan tabriklar ishtirok etadi.

Eng yaxshi tilaklar www.mt.uz va www.kun.uz   saytlarida yoritilib boriladi.

Loyiha yakuni: 

Ijtimoiy tarmoqlarda e'lon qilingan eng yaxshi tabriklar egalari Rio de Janeyro shahrida o‘tkazilgan 31-yozgi Olimpiada o‘yinlari g‘olib va sovrindorlari dastxati tushirilgan qimmatbaho sovg‘alar bilan taqdirlanadi.

G‘oliblar www.mt.uz va www.kun.uz saytida e'lon qilinadi.