Rossiya paralimpiyachilariga tegishli litsenziyalar AQSh paralimpiyachilariga berildi

AQSh Paralimpiya terma jamoasining 22 nafar paralimpiyachisi Rossiya terma jamoasi Rio-de-Janeyro Paralimpiadasidan chetlatilgandan keyin rossiyaliklarga tegishli 22 kvotani oldi. Endi AQSh terma jamoasi Rioga 289 paralimpiyachini yuborishi mumkin.

Rossiya Paralimpiya terma jamoasi Rioda 267 sportchi bilan ishtirok etishi kerak edi. Endi ularning kvotalari boshqa davlatlar o‘rtasida taqsimlanadi. 

18 avgustda Butunrossiya jamoatchilik fikrini o‘rganish markazi chop etgan ijtimoiy tadqiqot natijalarida 63 foiz rossiyaliklar o‘z hamyurtlarining Paralimpiadadan chetlatilishlarini "siyosiy buyurtma" deb hisoblashlari ma'lum bo‘lgan.