Hindistonning sharqiy shtatlari ko‘chalariga o‘n millionlab odamlar eng kam ish haqining oshirilishini talab qilib ko‘chalarga chiqdilar, deb xabar bermoqda The Associated Press axborot agentligi.
Hindistonliklar Narendra Modi hukumatiga 12 ta asosiy talab bilan murojaat qilmoqdalar. Ular orasida eng kam ish haqini kuniga 692 rupiy (10 dollar) miqdorida belgilash va ko‘proq ijtimoiy kafolatlar berish talablari bor.
Agentlik Hindistonda hozirda eng kam ish haqi necha pul ekanligini ma'lum qilmagan.
Ommaviy noroziliklar Assam, Orissa va Uttar-Pradesh shtatlarida o‘tmoqda. Hindiston hukumati bir qator shaharlarda tartibsizliklar yuz berishi holatiga ehtiyot chorasi sifatida maktablar va universitetlarni vaqtinchalik yopib qo‘ydi.
