Samarqanddagi dafn marosimida Turkiya nomidan bosh vazir o‘rinbosari ishtirok etadi

Turkiya nomidan O‘zbekiston rahbari Islom Karimovning dafn marosimida bosh vazir o‘rinbosari Tug‘rul Turkesh ishtirok etadi. Bu haqda Anado‘lu agentligi xabar bergan.

1991 yilda O‘zbekiston mustaqilligini birinchi bo‘lib tan olgan Turkiya Islom Karimov vafoti munosabati bilan hamdardlik bildirgan ilk davlat ham bo‘ldi.

Bosh vazir o‘rinbosari ayni pallada Toshkentga yetib kelgani aytilgan.

Ma'lumot uchun, Turkesh Turkiya hukumatining turk xalqi va turk ishlari bo‘yicha xorijdagi vakili ham hisoblanadi.