Buyuk Britaniya TIV rahbari o‘z ta'ziyanomasida o‘zbek xalqiga tinchlik va xotirjamlik tiladi

O‘zbekistonning birinchi prezidenti Islom Karimovning vafoti munosabati bilan mamlakatning diplomatik missiyalariga ta'ziyanomalar kelishda davom etmoqda.

Jumladan, Buyuk Britaniya Forin-ofisi rahbari Boris Jonson O‘zbekiston xalqiga ta'ziya izhor qildi.

«Mamlakatga u mustaqil bo‘lganidan buyon rahbarlik qilib kelgan prezident Islom Karimovning vafoti munosabati bilan O‘zbekiston xalqiga hamdardligimni bildiraman», — deyiladi ta'ziyanomada.

U O‘zbekiston xalqiga tinchlik va xotirjamlik hamda yaxshi kelajak tilagan.