Dron yordamida olingan yangi tug‘ilgan oq kit bolasining suratlari chop etildi

Avstraliyalik olimlar dron yordamida oq kit bolasining noyob suratlarini olishga muvaffaq bo‘lishdi. Bu kichik janubiy silliq kit (Eubalaena australis) bo‘lib, ular insonga do‘stona munosabatda bo‘lishlari bilan ajralib turishadi. Shu bois ular kit ovchilarining o‘ljalariga aylanishgan. Business Insider nashrining ma'lum qilishicha, ushbu noyob jonivorlarning suratlari Avstraliya yaqinida tasvirga olingan.

Kuzatuvlarga ko‘ra, kitchaning uzunligi atigi 6 metrdan iborat bo‘lgan. Bu uning endigina dunyoga kelganidan dalolat beradi. Kuzatuv davomida uning yetti kunda 7 metrgacha, ya'ni bir kunda 14 santimetrga o‘sganiga guvoh bo‘lingan. 

Oq kitlar juda kamdan-kam tug‘iladi. Olimlar Avstraliyada taxminan 3 ming ana shunday turdagi kitlar borligi haqida ma'lum qilishgan. Janubiy kitlar 15 metrgacha o‘sishi va 60 tonnagacha og‘irlikka ega bo‘lishi mumkin.