AQShda 5 yoshli bola maktabga katta miqdordagi geroin bilan keldi

AQShning Nyu-Djyersi shtatidagi Trenton shahrida 5 yoshli bola maktabga g‘ayriodatiy nonushta to‘plami bilan keldi. Bu haqda Trentonian nashriga iqtibos keltirgan holda RIA “Novosti” axborot agentligi xabar bermoqda.

Bolaning buterbrodlar uchun mo‘ljallangan qutisida 30 ta geroin paketchasi bo‘lgan. O‘qituvchining aytishicha, bolakay tanaffus paytida qandaydir paketchani o‘ynab yurgan. O‘qituvchi uni avval konfet deb o‘ylagan, biroq keyin bu giyohvand modda ekanligini tushungan.

Qutida yana shunday 29 ta paketcha aniqlangan. Bola zudlik bilan shifoxonaga yetkazilgan va u yerda uning giyohvand moddadan hech narsa tatib ko‘rmagani aniqlangan. Politsiya bola giyohvand moddani qayerdan olgan bo‘lishi mumkinligini aniqlashtirmoqda.