Mourino 10 yil ichida ilk marta ketma-ket 3 rasmiy o‘yinda mag‘lub bo‘ldi

«Manchester Yunayted» klubi APLning 5-turi doirasida «Uotford»ga 1:3 hisobida yutqazib qo‘ydi.

Bu klubning rasmiy o‘yinlarda qatorasiga uchinchi marta ochko ololmasligi bo‘ldi. Bundan oldingi 2 uchrashuv ham Joze Mourino shogirdlarining mag‘lubiyati bilan yakunlangandi. O‘tgan haftaning shanba kunida «Manchester Siti»ga qarshi o‘yinda 1:2 hisobidagi mag‘lubiyat, joriy haftaning payshanba kunida esa Yevropa Ligasi guruh bosqichida «Feyyenoord»ga qarshi o‘yinda 0:1 hisobidagi mag‘lubiyat qayd etilgandi.

Portugaliyalik mutaxassis esa so‘nggi 10 yil ichida birinchi marta ketma-ket uch o‘yinda mag‘lubiyatli o‘yin o‘tkazdi.

2006 yilda «Chelsi» Mourino boshqaruvida premer-liganing dastlabki ikki turida yutqazgan, keyin Angliiya Superkubogi uchun bahsni «Liverpul»ga boy bergandi (1:2).

Manba: Tribuna.uz