Qator yetakchi davlatlar Suriya masalasi bo‘yicha BMT Xavfsizlik Kengashi yig‘ilishini o‘tkazishni talab qilishdi

BMT Xavfsizlik Kengashi Halabdagi vaziyat yuzasidan shoshilinch yig‘ilish o‘tkazish niyatida. Ayni paytda halabda Suriya armiyasi jangarilarga qarshi urush boshlagan. Yig‘ilish bugun – 25 sentabr kuni mahalliy vaqt bilan 11:00da (Toshkent vaqti bilan 20:00da) bo‘lib o‘tadi.

Xavfsizlik Kengashi a'zolaridan birining diplomati xabar berishicha, ushbu yig‘ilishni o‘tkazish tashabbusi Buyuk Britaniya, AQSh va Fransiyadan chiqqan.

Eslatib o‘tamiz: 22 sentabr kuni Suriya armiyasi Halab sharqida harbiy operatsiyalar o‘tkazishini ma'lum qilgan edi. Shu munosabat bilan shaharda istiqomat qiluvchi mahalliy aholi vakillari o‘z turar-joylarini tashlab, chiqib ketishlari lozimligi uqtirildi.