Sabina Sharipova Tashkent Open xalqaro turnirining bosh sovrini uchun kurashadigan bo‘ldi

Toshkent shahrida o‘tkazilayotgan Tashkent Open xalqaro turnirining saralash bosqichida ishtirok etgan o‘zbekistonlik tennischi Sabina Sharipova asosiy tur bahslariga yo‘l oldi.

Sabina asosiy tur yo‘llanmasi uchun bo‘lgan bahsda ukrainalik Angelina Kalinina bilan raqobatlashdi. O‘yin 1 soatu 11 daqiqa davom etdi.

Qizg‘in kechgan uchrashuvda o‘zbekistonlik tennischi 6:3. 6:2 hisobida ustun kelib, asosiy turga qo‘shildi. Uning keyingi raqibi shveysariyalik tennischi Shtefani Fogele bo‘ladi.

Barcha o‘yinlar natijasi:
•  Xiroko Kuvata (Yaponiya) — Katarjina Piter (Polsha) — 6/2 7/6(0);
•  Sabina Sharipova (O‘zbekiston) — Angelina Kalinina (Ukraina) — 6/3 6/2;
•  Tereza Martintsova (Chexiya) — Sofiya Shapatova (Gruziya) — 6/4 7/5;
•  Ipek Soylu (Turkiya) — Ankita Raina (Hindiston) — 1/6 6/1 6/2.