Olmaotada O‘zbekiston-Qozog‘iston Qo‘shma demarkatsiya komissiyasi majlisi bo‘lib o‘tdi

2016 yilning 26-30 sentabr kunlari Olmaota shahrida O‘zbekiston Respublikasi va Qozog‘iston Respublikasi Hukumat delegatsiyalari ishtirokida O‘zbekiston-Qozog‘iston Qo‘shma demarkatsiya komissiyasining navbatdagi majlisi bo‘lib o‘tdi. Bu haqda O‘zbekiston TIV sayti ma'lum qilgan.

Uchrashuvda O‘zbekiston-Qozog‘iston Davlat chegaralari demarkatsiyasi to‘g‘risidagi shartnoma loyihasiga ilova qilinadigan demarkatsiya bo‘yicha ekspertlar darajasida tayyorlangan yakuniy hujjatlarni ko‘rib chiqish va tasdiqlash davom ettirildi.

Muzokaralar ishchanlik muhitida, do‘stlik va hamjihatlik ruhida bo‘lib o‘tdi.