Malayziyadagi "Sepang" avtodromida "Formula-1" avtopoygasining Malayziya Gran-prisi saralash bosqichi o‘z yakuniga yetdi. Saralashda birinchi o‘rinni va o‘z faoliyatidagi navbatdagi poul-pozishnni "Mersedes" poygachisi Lyuis Xemilton qo‘lga kiritdi.
Xemiltonning natijasi 1 daqiqa 32,850 soniyani tashkil qildi. Uning jamoadoshi Niko Rosberg 2-o‘rinni (1.33,264) va 3-o‘rinni gollandiyalik Maks Ferstappen (1.33,420) egalladi.
Asosiy poyga 2 oktabrda Toshkent vaqti bilan 12:00da boshlanadi.
