Nissan Brexit’dan keyin Britaniyada ishlab chiqarishini kengaytirayotgan birinchi kompaniya bo‘ldi

Yaponiyaning Nissan avtomobilsozlik kompaniyasi Britaniyaning Sanderlend shahridagi zavodiga investitsiyalarni ko‘paytirish va unda yangi Qashqai va X-Trail krossoverlarini ishlab chiqarish rejasini ma'lum qildi.

Kompaniyada bu 7 mingdan ko‘proq ish o‘rnini saqlab qolishga imkon berishi aytildi. 

Buyuk Britaniyaning Yevropa Ittifoqidan chiqish qarori ortida Nissan Britaniyaga investitsiyalarini oshirayotgan birinchi yirik xalqaro kompaniya bo‘lmoqda.

Nissan rahbari Karlos Gon bu qaror Buyuk Britaniya hukumati tomonidan qo‘llab-quvvatlov va kafolatlar berilishi evaziga qabul qilinganini ma'lum qildi.