Buyuk Britaniya do‘konlarida Uinston Cherchill tasviri tushirilgan 5 funt sterlinglik yangi qog‘oz pullarni qabul qilishdan bosh tortilmoqda. Turli ta'sirlarga o‘ta chidamli banknotalarning qabul qilinmasligiga ko‘pchilik uning mustahkamligini tekshirib ko‘rishga urinishi tufayli unga shikast yetkazilganligi sabab bo‘lmoqda.
The Sun nashrining yozishicha, sentabrda muomalaga kiritilgan yangi pullar qog‘ozdan emas, balki polimer materiallardan tayyorlangani sababli juda pishiqligi ma'lum qilingandi.
Bundan keyin ushbu qog‘oz pullarning egalari uning pishiqligini tekshirib ko‘rish uchun ularni kir yuvish mashinalarida tekshirishga, yirtishga, tirnashga, spirtli ichimliklar bilan ta'sir qilishga urinishgan, ya'ni bularning barchasi ushbu pullar Angliya banki ta'kidlaganidek, "yo‘q qilib bo‘lmas" ekanligini tekshirish uchun qilingan.
Shundan keyin bunday banknotalar bilan xarid amalga oshirilmoqchi bo‘lganda ko‘pchilik sotuvchilar ko‘rinishi buzilgan qog‘oz pullarni qabul qilishdan bosh tortishgan.
