Britaniya mamlakat kiber mudofaasiga salkam 2 mlrd funt sterling ajratadi

Buyuk Britaniya, mamlakatning kiberxavfsizlik bo‘yicha yangi Milliy strategiyasiga muvofiq, kiberxavfsizlik sohasida kurashni kuchaytirish maqsadida 1,9 mlrd funt mablag‘ ajratadi. Bu pullar kelasi besh yilda mamlakatning kiberkenglikdagi mudofaasini ta'minlashga yo‘naltiriladi, deb xabar qilmoqda Reyter agentligi Britaniya moliya vazirligi bayonotiga asoslangan holda. 

Agentlik ma'lumotlariga ko‘ra, yangi strategiya Britaniya biznesi va fuqarolarini internetda himoya qilish uchun avtomatlashgan mudofaa tizimlarini moliyalashtirish va kiberhujumlardan himoya qilish maqsadida xodimlarni ko‘proq yollash imkoniini beradi. 

Yangi dasturga ko‘ra, mamlakat hukumati Kiberxavfsizlik ilmiy-taqiqot instituti hamda Cheltnemda Innovatsiya markazini tashkil etadi. Bu markaz kibertexnologiyalar sohasidagi startap kompaniyalarga ko‘mak beradi.