Germaniya terma jamoasining sobiq darvozaboni restlerdagi faoliyatini g‘alaba bilan boshladi

Futbol bo‘yicha Germaniya terma jamoasining sobiq darvozaboni Tim Vize restlerdagi faoliyatini g‘alaba bilan boshladi. Jang videoyozuvi YouTube'dagi Watch News 2 kanalida taqdim etilgan.

34 yashar sobiq futbolchi World Wrestling Entertainment (WWE) kompaniyasi tomonidan Myunxenda o‘tkazilgan shouda ishtirok etgan. U uchga uch qoidasi asosida o‘tkazilgan jangda g‘alaba qozongan. Sobiq futbolchi keyingi chiqishlarida “Mashina” laqabidan foydalanmoqchi.