Xakerlar Sony va Microsoft’ga keng ko‘lamli hujumlar uyushtirish bilan tahdid qilmoqda

O‘zlarini Phantom Squad deb atagan xakerlar guruhi Sony va Microsoft kompaniyalarining o‘yin bo‘linmalariga tahdid qilmoqda.

Phantom Squad bundan oldin Steam serverlariga DDoS-hujumlar uyushtirishganini shov-shuv qilib e'lon qilishgan edi. Ular shu yo‘l bilan Steam tashkilotchisi Geyb Nyuellni tug‘ilgan kuni bilan tabriklashgan edi. Xakerlar bu bilan to‘xtab qolishni istashmadi: bugun Phantom Squad vakillari PSN va Xbox Live’ni ishdan chiqarishni rejalashtirishayotganini ma'lum qildi.

Xakerlar bunga sabab qilib bu yil birorta o‘yin ularni hayron qoldirmaganini ko‘rsatishgan. Serverlarga 11 noyabr kuni hujum qilinadi va Phantom Squad guruhining so‘zlariga ko‘ra, ular ular bilan bog‘liq servislar 44 kun davomida to‘xtab qoladi.