Foto: AFP
Ekvadorning Londondagi elchixonasida WikiLeaks sayti asoschisi Julian Assanj nomusga tegish aybi yuzasidan so‘roq qilindi. Bu haqda Shvetsiya prokuraturasi matbuot xizmati xabar bermoqda.
"Natija Shvetsiya prokurori tomonidan yozma ravishda Ekvadorga taqdim etiladi", — deyiladi matbuot uchun berilgan xabarda.
Shu sabab prokuror tomonidan olib borilgan so‘roq ma'lumotlari Shvetsiya yuridik amaliyoti qoidalariga muvofiq oshkor etilmaydi.
Ma'lum qilinishicha, prokuraturaning keyingi harakatlari so‘roq bo‘yicha Ekvadorga taqdim etiladigan yozma bildirishga bog‘liq.
