Messi «Barselona»ni tark etgan taqdirda «Siti»ga o‘tadi

«Barselona» klubi hujumchisi Lionel Messi agar jamoasini o‘zgartirgan taqdirda uni sotib olish uchun eng asosiy da'vogar «Manchester Siti» jamoasi bo‘ladi, deya xabar bermoqda Marca.

Madrid nashri bu o‘rinda «Siti» bosh murabbiyi Xosep Gvardiola, sport direktori Chiki Begiristayn va ijrochi direktori Ferran Soriano ilgari aynan «Barselona»da ishlaganini asosiy sabab qilib ko‘rsatgan.

Oldinroq aynan shu nashr Messi klub bilan shartnomani uzaytirmasligi haqida xabar bergandi. Futbolchining shartnomasi 2018 yil yozida tugaydi.

Manba: tribuna.uz