Eronlik oyatullo Musaviy Ardabiliy 90 yoshida hayotdan ko‘z yumdi

Tehronda oyatullo Abdulkarim Musaviy Ardabiliy 90 yoshida vafot etdi, deb xabar qilmoqda Eron televideniyesi. 

Ardabiliy so‘nggi bir necha kun davomida Tehron shifoxonalaridan birida komada bo‘lgani xabar qilinmoqda. U og‘ir yurak xurujidan so‘ng, klinikaga yotqizilgan. 

U zamonaviy Eron asoschisi Ruhullo Musaviy Xomeyniyning yaqin safdoshi edi. 1979 yildagi Eron inqilobidan so‘ng, yuqori davlat lavozimlarini egallagan. 1981-1989 yillarda Eron sud tizimiga rahbarlik qilgan.