Foto: Reuters
Germaniya uchuvchilar kasaba uyushmasi Vereinigung Cockpit Lufthansa aviakompaniyasi uchuvchilari ish tashlashi yana bir kunga, ya'ni 23 noyabr oxirigacha uzaytirilishidan ogohlantirdi. Bu haqda Reuters axborot agentligi xabar bermoqda.
Kasaba uyushma xabariga ko‘ra, ish tashlash xalqaro va ichki reyslarga ta'sir qiladi. Ushbu ish tashlash Lufthansa uchun 14-raqamlisi bo‘lmoqda.
Aviakompaniya ma'lumotlariga ko‘ra, 22 noyabrdagi ish tashlash belgilangan 3 mingta reysdan 876 tasining bekor qilinishiga olib kelgan va bundan 100 ming yo‘lovchi u yoki bu darajada jabr ko‘rgan. Lufthansa uchun har bir bunday ish tashlash millionlab yevro zarar keltirmoqda.
