Dubay politsiyasi rahbari hayotdan ko‘z yumdi

Dubay politsiyasi rahbari general-leytenant Xamis Mattar Al-Maziyna 24 noyabr kuni tunda shahardagi Rashid shifoxonasida yurak xuruji tufayli hayotdan ko‘z yumdi. Bu haqida Gulf News nashri xabar berdi. 

Xamis Mattar ushbu lavozimda 2013 yildan buyon xizmat qilib kelgan. 

Dafn marosimi 25 noyabr, juma kuni Al-Kuzays mozorida bo‘lib o‘tdi. Janozada yuzlab kishilar uning haqqiga duo qilishdi. Shayxlar va bir qator mansabdor shaxslar ham marhumning oila a'zolariga o‘z hamdardliklarini bildirishdi. 

"Xamis Mattar juda ochiq, hazil-mutoyibani o‘rniga qo‘yadigan ajoyib inson edi. U turli yangi departamentlar joriy etib hamda imkoniyatlarni yanada kengaytirib, Dubay politsiyasiga katta foyda keltirdi", - deydi Dubay politsiyasining pokistonlik xodimi.