AQShning yangi prezidenti Donald Trampning bayonot berishicha, Qo‘shma Shtatlar boshqa mamlakatlardagi siyosiy tuzumlarni ag‘darish siyosatini olib borishga urinmaydi. U saylovlardan keyingi Tsintsinatti shahridagi tarafdorlari bilan ilk uchrashuvida shu haqda so‘z yuritdi, deb xabar qilmoqda RIA «Novosti» agentligi.
«Biz tuzumlar va hukumatlarni ag‘darmaymiz. Bilasizmi, Yaqin sharqqa 6 trln dollar ketganini? Bizning maqsadimiz — barqarorlik, tartibsizlik emas. Chunki, biz o‘z mamlakatimizni tiklashni xohlaymiz», — degan Tramp.
Biroq, avvalroq, Tramp o‘z prezidentligi davrida AQSh quruqlikdagi qo‘shinlari sonini sezilarli oshirish, mamlakatning Yaqin sharq, sharqiy Yevropa va Janubiy-sharqiy Osiyodagi qo‘shinlarini kuchaytirish niyatida ekani ma'lum bo‘lgandi.
Ana shu uchrashuvda Donald Tramp dengiz piyoda qo‘shinlari korpusining iste'fodagi generali «Quturgan it» Jyeyms Mettisni AQSh mudofaa vaziri lavozimiga tayinlashga qaror qilganini e'lon qildi.
