Saylov kuni korzinka.uz supermarketlar tarmog‘i maxsus aksiya o‘tkazadi

Korzinka.uz supermarketlar tarmog‘i 4-dekabr — O‘zbekiston Respublikasi Prezidenti saylovi kuni xaridorlar tomonidan amalga oshiriladigan xaridlar miqdorining 10 foizi sovg‘a kartalariga o‘tkazilishini ma'lum qildi. Bu haqda tarmoqning Facebook ijtimoiy tarmog‘idagi sahifasida e'lon qilingan.

Belgilanishicha, ushbu aksiyada har bir xarid uchun beriladigan sovg‘a kartalaridagi mablag‘lar 2017 yilning 1  yanvaridan 31 yanvargacha ishlatilishi mumkin. 

Qayd etish kerakki, aksiya davomida tarmoq do‘konlarining sodiqlik tizimi vaqtinchalik ishlamasligi belgilangan. Shuningdek, tarmoq tarkibiga kiruvchi Diskont va Smart turkumidagi do‘konlar ham aksiyada ishtirok etmasligi ta'kidlangan.