NATO bosh kotibi Ukrainani qo‘llab-quvvatlash kuchaytirilishini aytdi

NATO bosh kotibi Yyens Stoltenberg Kiyevning mudofaa sohasida salohiyatni yaratish va o‘rgatish masalalarida qo‘llab-quvvatlanishi kuchaytirilishini aytdi, deb xabar bermoqda «Interfaks-Ukraina». 

«Yevropa Ittifoqi va NATO Ukrainani siyosiy va amaliy qo‘llab-quvvatlaydi, biz mudofaa sohasida islohotlar va modernizatsiyani amalga oshirishda yordam bermoqdamiz. Bugun biz salohiyatni yaratish, o‘rgatish masalalarida ko‘mak ko‘rsatishda yaqindan hamkorlik qilishimizni aytamiz. Biz yanada samaraliroq bo‘lishimiz mumkin", deb aytdi Stoltenberg NATOga a'zo davlatlar tashqi ishlar vazirlarining 6 dekabrdagi Bryusseldagi yig‘ilishida.

O‘z navbatida Yevropa Ittifoqi diplomatiyasi rahbari Federika Mogerini Yevropa Ittifoqining Ukrainaga yordami iqtisodiy-ijtimoiy islohotlar va korrupsiyaga qarshi kurashga qaratilganini aytdi.