Foto: Sport Ekspress
«Real» futbol klubi hujumchisi Krishtianu Ronaldu soliqlarni to‘lash borasida ayblovlar qo‘yilsa, bundan cho‘chimasligini aytib o‘tdi.
Avvalroq, Germaniyaning Spiegel nashri 31 yoshli portugaliyalik futbolchi o‘z agenti Jorjye Mendesh tomonidan ishlab chiqilgan sxema orqali 150 million yevro mablag‘ni soliqlardan yashirgani haqida xabar bergandi.
«Siz men bundan cho‘chiyapman, deb o‘ylayapsizmi? Yo‘q, men qo‘rqmayman», - deya Ronalduning so‘zlarini keltiradi Marca.
Kuni kecha esa Ispaniya soliq organlari Ronaldu ishi bo‘yicha surishtiruv o‘tkazishi ma'lum bo‘ldi.
