Nissan yangi sedanlarining dizaynini prototipida namoyish etdi

Yaponiyaning Nissan kompaniyasi AQShning Detroyt avtoko‘rgazmasida yangi prototipini namoyish etdi. Vmotion 2.0 deb nomlangan kontsept-kar Yaponiya avtomobil ishlab chiqaruvchisining yangi avlod modellari qanday ko‘rinishga ega bo‘lishi xususida tasavvur uyg‘otishi kerak. 

Prototipga ProPILOT muqobil boshqaruv tizimi o‘rnatilgan bo‘lib, uning ilk namunasi Serena miniveniga joylangan edi. 

Kontsept-karning old va orqa eshiklari bir-biriga qarama-qarshi tomonlarga ochiladi. Eshik va polga taxtadan ishlov berilgan. Raqamli priborlar paneli va multimedia tizimi yagona blokka birlashtirilgan. Uni boshqarish markaziy konsoldagi tachpad orqali boshqariladi. 

Prototipga Bose UltraNearfiel Speakers audiotizimi ham o‘rnatiladi. U haydovchini kutilmagan vaziyatlar yuzaga kelishi mumkinligidan ogohlantirish maqsadida tovush kuchi va yo‘nalishini o‘zgartira oladi. 

Biroq, kompaniya Vmotion 2.0 motorlariga doir birorta ham ma'lumot taqdim etmagan.